साकार पोष्ट कार्तिक २६ गल्छी। यहि आउँदो मंसिर २ र ३ गते गल्छीगाँउपालिका वडा नं ८ अवस्थित गोगनपानी चुलिमा दोस्रो बाघ बच्छला मेला लाग्ने भएको छ। बाघ बच्छला मन्दिर व्यवस्थापन समितिको आयोजनामा तथा उज्यालो युवा समाजको सह आयोजनामा उक्त मेला हुन लागेको आयोजकले जानकारी दिएको छ। उक्त मेलालाई गल्छीगाँउपालिकाले सहयोग गरेको छ। धार्मिक ऐतिहासिक रमणिय तथा पर्यटकीय स्थल बाघबच्छला मन्दिरको संरक्षण तथा प्रवर्द्धनको लागि मेला आयोजना गरिएको आयोजनाले जानकारी दिएको छ। मेलाको मुख्य आकर्षणमा मनोरम प्राकृतिक हिम श्रृङ्खलाको अवलोकन गर्न सकिने छ भने स्थानीय झाँकीहरुको प्रर्दशन तथा मेलामा सहभागी हुनेहरुको प्राथमिक स्वास्थ्य उपचार सेवा समेत रहेको जानकारी दिएको छ।
