साकार पोष्ट गल्छी बैरेनी,धादिङ । धादिङ गल्छी बैरेनीका युवा प्रतिभाशाली संगीतकार तथा गीतकार रामकुमार रिमालको शब्द,संगीत तथा स्वरमा रहेको गीत उत्कृष्ट म्युजिक “मेरो नजिक” भिडियो सहित आज सार्वजनिक भएको छ । उक्त गीतको म्युजिक भिडियोमा संगीतकार तथा गीतकार स्वयं रामकुमार रिमाल र शिया क्षेत्रीको उत्कृष्ट अभिनय रहनुका साथै गल्छीका युवाहरुको पनि अभिनय हेर्न पाईने छ।
एभरेष्ट ग्यालरी टिमले निर्माण गरेको उक्त भिडियो धादिङ गल्छी आसपास क्षेत्रमा छायांकन गरिएको छ । उक्त म्युजिक भिडियोका प्रस्तुतकर्ता मनोज धितालको युट्युव च्यानल मार्फत सार्वजनिक भएको म्युजिक भिडियोका निर्देशक जनक सिंह, छायांकन दिपक गिरी अनि सम्पादन अमृत चापागाईंको रहेको संगीतकार तथा गीतकार राम कुमार रिमालले बताउनु भएको छ।
