साकार पोष्ट गल्छी बैरेनी गल्छी गाउँपालिकाले आर्थिक वर्ष २०८०/८१ का १४४ योजनाहरुको सार्वजनिक विवरण प्रस्तुत गर्दै सार्वजनिक सुनुवाइ कार्यक्रम सम्पन्न गरेको छ। गाउँपालिकाको आयोजनामा असार २४ गते सम्पन्न कार्यक्रममा विभिन्न योजनाहरुको कार्यान्वयन, सेवा प्रवाह, बजेट खर्चको अवस्था र भावी योजना सम्बन्धमा जानकारी दिइएको थियो।
कार्यक्रममा गल्छी गाउँपालिका अध्यक्ष श्री केदार नाथ खतिवडा उपाध्यक्ष,भाईकाजी तिवारी प्रमुख प्रशासकिय अधिकृत कृष्ण हरि पौडेल वडाध्यक्षहरु, विभिन्न क्षेत्रका सरोकारवालाहरु, कर्मचारी तथा नागरिकको उपस्थिति रहेको थियो। कार्यक्रममा सहभागीहरूले गाउँपालिकाको कामकारबाहीमा प्रत्यक्ष सुझाव तथा प्रश्न राख्ने अवसर पाएका थिए।
सार्वजनिक सुनुवाइमार्फत स्थानीय सरकार र नागरिकबीच पारदर्शिता, जवाफदेहिता र समन्वय कायम गर्न सहयोग पुग्ने विश्वास आयोजकको छ।
कार्यक्रमको सञ्चालन सूचना शाखा तथा योजना शाखाको समन्वयमा गरिएको थियो।
