साकार पोष्ट २४ वैशाख, धादिङ । धादिङको थाक्रे गाउँपालिका–१ कमेरेस्थित पृथ्वी राजमार्गमा सवारी दुर्घटना हुँदा दुई जना घाइते भएका छन् ।
घाइते हुनेहरुमा काठमाडौं बालाजु बस्ने ४५ वर्षीय मिलन लामा र थाक्रे गाउँपालिका–८ बस्ने ४३ वर्षीय रमेश सुवेदी छन् ।घाईते मिलन लामाको अबस्था गम्भीर रहेको जनाएको छ ।
लामा बा ८७ प ७८८४ नम्बरको मोटरसाइलकका चालक हुन् भने सुवेदी पछाडि सवार थिए । उनीहरु दुबैलाई उपचारका लागि काठमाडौं पठाइएको प्रहरीको भनाइ छ ।
उनीहरु सवार मोटरसाइकललाई बुधबार दिउँसो सवा ४ बजेतिर कमेरे भन्ने ठाउँमा काठमान्डौबाट गल्छी तर्फ आउदै गरेको बा ३ ख ५७६७ नम्बरको डिब्बा गाडीले ठक्कर दिएको अस्थायी प्रहरी पोस्ट सिम्लले जनाएको छ ।
