साकार पोष्ट असार १४ गल्छी गाउँपालिका वडा नं ४, मासटारमा रहेको जनकल्याण माध्यमिक विद्यालयले माध्यमिक शिक्षा परीक्षा (SEE) २०८१ मा उल्लेखनीय सफलता प्राप्त गर्दै शैक्षिक उत्कृष्टताको नयाँ कीर्तिमान राखेको छ। विद्यालयबाट परीक्षा दिएका ४६ जना विद्यार्थीहरूमध्ये ३३ जना उत्तीर्ण भएका छन् भने दुई जना विद्यार्थीले पूर्ण ४.०० GPA ल्याउँदै विद्यालयको गौरव उच्च बनाएका छन्।
समृद्धि दाहाल र सौरभी वग्लेले ४.०० GPA हासिल गर्दै विद्यालयमा ‘Outstanding’ श्रेणीमा स्थान बनाए। साथै, अन्य विद्यार्थीहरूको प्रदर्शन पनि सन्तोषजनक देखिएको छ। सुरेश रुम्बा, इशान अधिकारी र शीतल खड्काले Excellent श्रेणी (३.७९–३.८७) मा सफलता हासिल गरे।
