साकार पोष्ट गल्छी आषाढ ३१। धादिङको गल्छी गाउँपालिका वडा नम्बर ८ मा रहेको गोगनपानी स्वास्थ्य चौकीलाई वडा अध्यक्ष विशाल लुङ्गेली मगरको विशेष पहलमा आज भारतिय राजदुतावासले एम्बुलेन्स प्रदान गरिएको हो। शिक्षा, विज्ञान तथा प्रविधि मन्त्रीअशोककुमार राईको उपस्थितिमा नेपालका लागि भारतका राजदूत नवीन श्रीवास्तवले उक्त एम्बुलेन्स हस्तान्तरण गरेका हुन् ।
नेपाल–भारत मैत्री बिकास साँझेदारी कार्यक्रम अन्तर्गत एम्बुलेन्स हस्तान्तरण गरिएको हो । काठमाण्डौंमा भएको एक कार्यक्रमका बिचवडाअध्यक्ष लुङ्गेलीलाई एम्बुलेन्सको साँचो प्रदान गरिएको थियो ।
वडाअध्यक्ष लुङ्गेलीले एम्बुलेन्स प्राप्त भएको र गोगनपानी स्वास्थ्य चौकीमा रहने उक्त एम्बुलेन्सले गल्छी गाउँपालिका वडा नम्बर ८ कावासिन्दा र आपतकालिन अवस्थामा अन्य क्षेत्रका वासिन्दाको स्वास्थ्य सेवामा सहयोग पुग्ने बताउनु भएको छ ।
सन् १९९४ यता भारतले आजको सहित हालसम्म नेपालका विभिन्न जिल्लामा रहेका विभिन्न संघ संस्थालाई ९७४ वटा एम्बुलेन्स र २३४वटा स्कुल बस उपहारस्वरूप उपलब्ध गराइसकेको छ ।
