गल्छी, धादिङ | हिमालयन लघुवित्त वित्तीय संस्था लिमिटेड, गल्छी शाखाले आफ्ना सदस्य मनु श्रेष्ठको निधनपछि बीमा अन्तर्गतको दावी रकम मृतकका पति संगम श्रेष्ठलाई हस्तान्तरण गरेको छ।
बीमा दावी फाराम अनुसार सदस्य मनु श्रेष्ठ (सदस्य नं. ०४४०५१०१०५) को निधन भएको थियो। मृत्युपछि बीमा रकम कर्जा रु २००००० मध्ये तिर्नबाकी १५८३५३ कर्जा मिनाह गरि बाकी रहेको रकम र काज किरिया खर्च सदस्यको पतिलाई रु. ६६,६४७ रुपैया गल्छी शाखाका शाखा प्रमुख राजकुमार ढकालले हस्तान्तरण गरिएको हो।
हिमालयन लघुवित्तले आफ्ना सदस्यहरूको दुःखद क्षणमा आर्थिक सहारा प्रदान गर्ने उद्देश्यसहित बीमा कार्यक्रम सञ्चालन गर्दै आएको छ। यो कार्यक्रम सदस्यको परिवारमा परेको संकटमा केही राहत मिलोस् भन्ने उद्देश्यले ल्याइएको राजकुमार ढकालले बताउनुभएको छ ।
