साकार पोष्ट मंसिर १ गल्छी। दशौं राष्ट्रिय कर दिवसको अवसरमा गल्छी करदाता सेवा कार्यालयले आज गल्छीगाँउपालिका वडा नं ७ स्थित गल्छी बजारको आफ्नो कार्यालय परिसरमा एक कार्यक्रम आयोजना गरी करदाता सम्मान तथा अन्तरक्रिया कार्यक्रम गल्छीगाँउपालिकाको अध्यक्ष कृष्ण हरि श्रेष्ठको प्रमुख अतिथिमा सम्पन्न भएको छ भने कार्यक्रमको सभापतित्व गल्छी करदाता सेवा कार्यालयका कर अधिकृत सोभाकर खनालले गर्नुभएको थियो। उक्त कार्यक्रममा आ.व २०७७/०७८ सबै भन्दा बढी कर तिर्ने नुवाकोटको आशा लघुवित्त धादिङको बि के इन्टरप्राइजेजका सन्चालक तथा धुनिबेशी नगरपालिकाका मेयर बाल कृष्ण आर्चाय तथा कर्मचारी तर्फ पेम कुमार श्रेष्ठलाई सम्मान गरिएको थियो।
