साकार पोष्ट गल्छी बैरेनी — गल्छी गाउँपालिकामा २०८१ सालको माध्यमिक तह (कक्षा १२) को परीक्षामा कुल १८२ जना विद्यार्थी सहभागी हुँदा १०३ जना विद्यार्थी उतिर्ण भएका छन्।
गाउँपालिकाभरिका विभिन्न सामुदायिक तथा निजी विद्यालयका विद्यार्थीहरूले सहभागिता जनाएका उक्त परीक्षामा सामुदायिक विद्यालय जनकल्याण माध्यमिक विद्यालयले उल्लेखनीय सफलता हात पारेको छ। उक्त विद्यालयबाट ३० जना विद्यार्थी सहभागी हुँदा २४ जना विद्यार्थी उतिर्ण भएका छन्।
त्यस्तै, निजी क्षेत्रतर्फ सफल नतिजा हासिल गर्न सफल “सक्सेस एकेडेमी” बाट ४४ जना सहभागीमध्ये ३० जना विद्यार्थी उतिर्ण भएका छन्।
किराञ्चोकस्थित कार्कीडाँडाबाट १९ जना सहभागीमध्ये ११ जना, बागेश्वरी माविबाट ६६ जना सहभागीमध्ये ३१ जना, र ‘द राइजिङ भिलेज’ स्कूलबाट २३ जना सहभागीमध्ये ७ जना विद्यार्थी उतिर्ण भएका छन्।
समग्रमा हेर्दा गल्छी गाउँपालिकामा यस वर्ष ५६.५९ प्रतिशत उतिर्ण दर देखिएको छ। जनकल्याण माविले सर्वाधिक उतिर्ण दर कायम राख्दै सामुदायिक विद्यालयहरू पनि प्रतिस्पर्धी रूपमा अगाडि बढ्न थालेका संकेत देखिएको छ।
स्थानीय तह र अभिभावकहरूले विद्यालयको नतिजालाई शिक्षा गुणस्तरको आधार मानेर आगामी योजनाहरू बनाउनुपर्ने आवाजहरू पनि उठ्न थालेका छन्।
