साकार पोष्ट गल्छी बैरेनी पुस १६ गल्छी गॉउपालिकाले वि स २०७८ सालको असार महिनामा एकै पटक चार सय पचास थान डस्टविन रु तेह्र लाख एकचालिस हजारमा खरिद गरिएको छ तर आवश्यक बिल तथा विना भरपाई रकम झिकिएकोले उक्त रकम बेरुजुमा देखिएको महालेखा परिक्षकको प्रतिवेदनमा देखिएको छ।
यसै गाउँपालिकाको वडा नं ७ मा रहेको गल्छी बजारमा सरकारले मिनी सिटी घोषणा गरिएको भएतापनि बजार अव्यवस्थित रहेको छ। गल्छी गाउँपालिकाले एकै पटक चार सय पचीस थान डस्टविन खरिद गर्दा पनि गल्छीवासीहरु बाक्सामा फोहोर फाल्न बाघ्य भएका छन् जसले गर्दा फोहोर खुल्ला हुने हुदॉ जनावारहरुले चलाउने हुदॉ वजार दुर्गन्धित हुने गरेको छ।
