साकार पोष्ट २५ आषाढ, धादिङ । जिल्ला अदालत धादिङले आज छुरा हानेर हत्या गरेको आरोपमा पक्राउ परेका गल्छीका सरस्वती पनेरु तथा छोरा निरज पण्डित सहित तीन जनाको आज फैसला गरेको छ ।आज भन्दा एक बर्ष अघि होटलमा खाजा खान आएका गल्छी ८ का विनोद थापा मगरको हत्या गरिएको थियो। हत्या आरोप लागेको गल्छी ८ निवुवावोटोमा शानदार होटल एण्ड लजकी सञ्चालिका सरस्वती पनेरु पण्डितलाई कर्तव्य ज्यान मुद्दा तथा मानबबेचबिखन सम्बन्धि मुद्दा जिल्ला अदालतमा चलिरहेको थियो। आज जिल्ला अदालत धादिङले फैसला गर्दै सरस्वती पनेरुलाई मानवबेचबिखनमा ७ बर्ष तथा कर्तव्य ज्यान मुद्दामा १० बर्ष जेल सजायको फैसला गरेको छ भने , उनका छोरा निरज पण्डितलाई जन्मकैद २५ बर्ष जेल सजाय तोकेको छ र किरण रानालाई सफाई दिईएको छ भने फैसलाको पुर्ण पाठ आउन बाकी रहेको छ। 

बिज्ञापन