साकार पोष्ट जेठ ५ गल्छी। नेपाल तेक्वान्दो संघले २०८१ जेठ ३ गतेबाट सञ्चालन गरेको तेस्रो राष्ट्रिय पुम्से रेफ्री सेमिनार तथा दोस्रो राष्ट्रिय पुम्से रेफ्री रिफ्रेसर तालिम आज सम्पन्न भएको छ । माननीय युवा तथा खेलकुद मन्त्री बिराजभक्त श्रेष्ठले समापन गर्नुभएको उक्त तालिममा धादिङ जिल्लाबाट ५ जना तेक्वान्दो राष्ट्रिय रेफ्रीहरु सहभागी हुनुभएको थियो ।
जम्मा १३६ जना सहभागी भएको यस तालिममा सेमिनार तर्फ गल्छी तेक्वान्दो डोजाङका प्रमुख सुब्बा श्रेष्ठ, मलेखु/ गजुरी तेक्वान्दो डोजाङका प्रमुख धन बहादुर गुरुङ र चण्डीभुमी तेक्वान्दो डोजाङकी मुना तामाङ तथा त्रिभुवन आर्मी क्लबका रामकुमार पोख्रेल र रिफ्रेसर तर्फ गोदावरी फिटनेशबाट उज्ज्वल श्रेष्ठ तालिममा सहभागी हुनुभएको थियो । तेक्वान्दो प्रतिस्पर्धा ग्योरोगी (फाईट) र पुम्से बिद्या रहेको छ जसमा धादिङबाट ग्योरोगी तर्फ १४ जना र पुम्से तर्फ ५ जना राष्ट्रिय स्तरका रेफ्री हुन सफल भएका छन् ।
