साकार पोष्ट पुस ५ धादिङ । धादिङको मलेखुको बिहानी पम्नप जिकै यात्रुबाहक बस र माइक्रो ठोक्किँदा १ जनाको मृत्यु भएको छ । बिहानी पम्प नजिक भएको उक्त दुर्घटनामा १२ जना घाइते भएका छन् ।दुर्घटना मंगलबार बिहान सवा १० बजे भएको हो । भैरहवाबाट काठमाडौं जाँदै गरेको लु २ ख २६४४ नम्बरको यात्रु बस र लमजुङतर्फ जाँदै गरेको बा २ ख ४७६२ नम्बरको माइक्रो एकआपसमा ठोक्किएर दुर्घटना भएको हो । दुर्घटनामा घाइते भएकाहरुको उद्धार भइरहेको छ । प्रहरीका अनुसार केही यात्रु सिकिस्त घाइते भएका छन् ।
