साकार पोष्ट गल्छी पुस ३ नेपाल टेलिकमले आफ्नो नाम र लोगोको दुरुपयोग गर्दै सामाजिक सञ्जालमा फैलिरहेको स्पाम स्क्यामबाट बच्नका लागि ग्राहकवर्गलाई सचेत रहन अनुरोध गरेको छ। “नेपाल टेलिकम क्रिसमस गिफ्ट” नाम दिएर पुरस्कार दिने दाबी गर्दै स्क्याम लिङ्क सामाजिक सन्जालबाट फैलाइएको पाइएको छ।
यो स्क्याम लिङ्कको डोमेन नेम अविश्वसनीय र असत्य छ। लिङ्क खोल्दा प्रश्नको उत्तर दिएर पाँच हजार रुपैयाँ जित्न सकिने दाबी गरिएको छ। यस्ता स्क्याम लिङ्कहरू सामाजिक सञ्जालमा, विशेष गरी फेसबुक ग्रुप, म्यासेन्जर, र अन्य प्लेटफर्महरूमा फैलिरहेका छन्।
नेपाल टेलिकमले सबैलाई आफ्ना सेवाबारे अद्यावधिक जानकारी प्राप्त गर्न केवल आधिकारिक ब्लु टिकसहितका फेसबुक पेज र एक्स जस्ता सामाजिक सञ्जालमा रहेका सूचनामा भरोसा गर्न आग्रह गरेको छ। साथै, कम्पनीको आधिकारिक वेबसाइटलाई आधार मानेर मात्र जानकारी प्राप्त गर्न अनुरोध गरिएको छ।
नेपाल टेलिकमले सबैलाई स्क्यामबाट बच्न र अनधिकृत लिङ्कहरूबाट टाढा रहन सचेत गराएको छ।
साथै एस्ता पोष्टहरु आफ्नो साथीहरुलाई मेसेजहरु नपठाउन अनुरोध गरेको छ
