साकार पोष्ट पुस २४ गल्छी। गल्छीगाँउपालिका वडा नं ७ मा गठन गरिएको गल्छी फोहोर मैला व्यवस्थापन समितिको आयोजनामा आज गल्छीगाँउपालिका वडा नं ७ को वजार भित्र विभिन्न ठाउँहरूमा फोहोर मैला व्यवस्थापन सम्बन्धी विभिन्न जनचेतना मुलक कार्यक्रम सम्पन्न भएको छ। कार्यक्रमको सन्चालन व्यवस्थापन समितिका उपाध्यक्ष सिता रिमाल लामिछानेले गर्नु भएको थियो भने कार्यक्रम सभापतित्व गल्छी बजार फोहोर मैला व्यवस्थापन समितिको अध्यक्ष गिता गौतमले गर्नुभएको थियो। उक्त समितिले बजार सरसफाईको अनुगमनका साथै सडकको दायाँबायाँ व्यापारिक प्रयोजनका लागि लागि राखिएको सामाग्रीहरू हटाए नहटाएकोको समेत अनुगमन गरेको थियो।
