धादिङ, गल्छी कार्तिक २१ —हाइवे बचत तथा ऋण सहकारी संस्था लिमिटेड, गल्छी गाउँपालिका–६, बैरेनीले आफ्नो २०औं स्थापना दिवसको अवसरमा शुक्रबार गल्छी गाउँपालिका–७, गल्छीचोकमा खुल्ला रक्तदान कार्यक्रम सम्पन्न गरेको छ।
कार्यक्रममा २४ जना महिला र ७६ जना पुरुष गरी कुल १०० जनाले रक्तदान गरेका छन्।
रक्तदान कार्यक्रम नेपाल रेडक्रस सोसाइटी, रक्तसञ्चार सेवा केन्द्र धादिङको प्राविधिक सहयोगमा सम्पन्न गरिएको थियो।
सहकारी संस्थाका पदाधिकारीहरूले सामाजिक उत्तरदायित्वअन्तर्गत आगामी दिनहरूमा पनि यस्ता मानवीय कार्यहरूलाई निरन्तरता दिने प्रतिबद्धता व्यक्त गरेका छन्।
