साकार पोष्ट बैशाख २३। डडेल्धुरामा गएराती टिप्पर दुर्घटना हुँदा दुई जनाको मृत्यु भएको छ । जिल्लाको नवदुर्गा गाउँपालिकाको बेलापुरबाट ढुङ्गाड गइरहेक बागमती प्रदेश ०१-००१ क ५६५१ नम्बरको टिप्पर वडा नम्बर-४ सिरोडमा दुर्घटना हुँदा दुई जनाको मृत्यु भएको हो ।
धादिङको गजुरी गाउँपालिका–७ का ४० वर्षीय चालक धिरज थापामगर र बेनीघाट रोराङ गाउँपालिकाका–२७ वर्षीय विष्णु विकको ज्यान गएको जिल्ला प्रहरी कार्यालय डडेलधुराले जनाएको छ ।
डडेल्धुराको नवदुर्गा गाउँपालिका ४ बस्ने २८ हिक्मत बिक र धादिङका ३१ वर्षीय सुदिप बिक घाइते भएका छन् । उनीहरूको अवस्था सामान्य रहेको र डडेल्धुरा अस्पतालमा उपचार भइरहेको प्रहरीले जनाएको छ ।
