साकार पोष्ट जेठ २५ गल्छी। गत बैशाख २७ गते राती २३:४५ बजेको समयमा जिल्ला धादिङ गल्छी गा.पा.वडा नं. ८ निबुवा बोट स्थित सरस्वती पनेरु (पण्डित) लेसंचालन गरेको शानदार होटल एण्ड लजमा गल्छी गाँउ पालिका बडा नं ८ बर्ष २८ को बिनोद थापा मगरले खाजा खाएको पैसाको विवादमा झै-झगडा हुँदानिम्न प्रतिवादीहरुले हात, मुक्का तथा फोल्डिङ वाला छुरा समेत प्रहार गरी घाईते बनाएकोमा निज बिनोद थापा मगरको उपचारकोक्रममा काठमाण्डौं स्थित नर्भिक अस्पतालमा बैशाख २८ गते बिहान ०१:५४ बजेको समयमा मृत्यु भएको घटनामा संलग्न प्रतिवादीहरुलाई पक्राउगरी अनुसन्धान प्रकृया पुरा गरि सक्कल मिसिल कागजातहरु जिल्ला सरकारी वकील कार्यालय धादिङ मार्फत सम्मानित धादिङजिल्ला अदालतमा पेश गरिएकोमा सम्मानित धादिङ जिल्ला अदालतको मिति २०८०।०२।२४ गतेको थुनछेक आदेशले तिनै जनाप्रतिवादीहरु पुर्पक्षको लागि कारागार कार्यालय धादिङ चलान भएको हो ।
निम्न:-(१) जिल्ला धादिङ गल्छी गा.पा.वडा नं. ८ बस्ने बर्ष ४७ की सरस्वती पनेरु (पण्डित)-शानदार होटल एण्ड लजको संचालिका (मृतकबिनोद थापा मगरको हत्या तथा केटीहरुलाई डर, त्रास, प्रलोभनमा पारी वेश्यावृद्धी गराई मानव बेचबिखन गरेको कसूरमा) ।
(२) जिल्ला धादिङ गल्छी गा.पा.वडा नं. ८ बस्ने बर्ष २६ को निरज पण्डित- शानदार होटल एण्ड लजको संचालिका सरस्वती पनेरु(पण्डित) को छोरा (मृतक बिनोद थापा मगरको हत्या कसूरमा) ।
(३) जिल्ला पाल्पा तानसेन न.पा.वडा नं. १४ घर भई हाल जिल्ला धादिङ गल्छी गा.पा.वडा नं. ८ बस्ने बर्ष ३० को किरन राना – निरजपण्डितको साथी (मृतक बिनोद थापा मगरको हत्या कसूरमा)
